Sabse Pare (Gaana)

yeh zindagi,
hai adhoori,
tum jahaan naa ho,
waisi zindagi kis kaam ki?

tumhaaraa saath,
humein mile din-raat,
itne zaroori ho gaye ho tum,
tumse baante har mushkil, har baat.

mere sapno mein,
tumsaa koi har dum rahe,
subah naa ho kabhi,
humaaraa naataa kabhi naa toote.

koi jahaan hai kyaa aisa?
kitaabon mein padhte the jaisa?,
jahaan har taraf hai sirf pyaar,
humein bechaini hai kuch dekhne ke liye waisa.

sabse door hum chale jaayein,
koi humein dhoondh naa paaye,
kuch waqt saath bitaayein,
aur ek doosre ko zor se gale lagaayein.

aisa kuch karein,
mann ko khushiyon se bharein,
itna, ki woh umar bhar chalein,
kabhi naa saath chhodein.

aisi jagah le chalo humein,
jo ho sabse pare,
koi adchan naa aaye hum par,
aao, aisi duaayein karein.