Jo ek hi pal mein poori tarah hai badalti,
Kabhi ro kar hai hasaati,
Toh kabhi haste hue hai rulaati.
Ek dulhan se poocho ek parivaar ki ehmiyat,
Apno ko chhodkar nayi kahaani shuru karne ki ghabrahat,
Uske dil-o-dimaag mein hain kayi prashn,
Jiska uttar milna hai kathin.
Woh maun rehti hai,
Magar uski jhuki nazrein sab kuch kehti hai,
Bhai-behen ko alvida kar chali,
Devar-nanad ko apna samajh kar aage badhi.
Uske jivan mein kitni saari chunautiyaan hai,
Kabhi saas-sasur ki dekh baal karte hue tooti uski choodiyan hai,
Galti na ho usse koi,
Yeh koshish rakhti hai jaari.
Thake-haare pati ko har koi poojta hai,
Magar yeh theek hai ya nahin, koi isse nahin poochta hai,
Uski nazrein hamesha jhuki hui rehti hai,
Kahin uske kaaran ghar na toote, yeh soch kar sab sehti hai.
Duniya ko iski sundarta aur muskaan dikhti hai,
Parantu unke peechhe chupa tyaag aur dard makeup se dhak jaati hai,
Icchha aur manzoori uski bhi hai,
Magar apno se alag hone ka lagta hai bhay.
Woh sab ko peechhe chhod apni duniya basaane chali hai,
Magar aankhon se behti aansuon ki nadi hai,
Chaahe jo kar lo, yeh rivaaz koi todta nahi hai,
Iske andar dabb jaati uski saari kaamyaabi hai.
No comments:
Post a Comment