WOH BOJH NAHIN

Har ladki ko aaj,

De raha hai ek alag darja yeh samaaj,

Kahin woh chaand ko hai dekhti,

Toh kahin wahan hai pahunchti.

Kuch sanskaar nibhati hai,

Kuch zimmedariyan uthati hai,

Har pal hasti hai,

Phir na jaane kyon andar se tootti hai?

Khush karti hai yeh har sadasya ko,

Chhod aati hai apne maata-pita ko,

Thodi si galti agar ho jaaye,

Toh poora parivaar usse sunaaye.

Kya woh insaan nahin hai?

Kya uska aatma-sammaan nahin hai?

Jitna bhi kare, doosron ko kam lagta hai,

Log nahin jaante kitna kathin janna hota hai.

Woh jeevan daan deti hai,

Badle mein kuch nahin leti hai,

Nau mahine ki sangharsh ek pal mein bhool jaati hai,

Jab uski "jaan" muskuraati hai.

Poore parivaar ki izzat bachaati hai,

Har kaam ko mann se karti hai,

Apne sapno ko bhi chhod aayi peeche,

Phir bhi usko mila uphaas badle mein?

Woh shaant hai, magar sayani bhi,

Har kaam mein hai maahir bhi,

Thodi si izzat maangti hai samaj se,

Har musibat ko yeh takkar de.

Devi ka roop kare yeh dhaaran,

Doosron ke liye bane udaaharan,

Woh bojh nahin, aashirwaad hai,

Ladki hona nahin koi apraadh hai. © Kritika Bhatia

#girl #girlchild #womenempowerment #respect #burden #proudtobeagirl #girlpower #gogirl #strongwomen #nocrime #poetry #potd #poetsofinstagram #poet #poetrycommunity #poetryofinstagram #poetryisnotdead #poetry_addicts #poetryofig #poeticjustice