Ab ke baras (Gaana)

Ab ke baras,
Shayad mulaqat hogi,
Kab tumse main mil paaun,
Issi ka intezar hoon kar rahi.

Bahut yaad aati hai,
Har uss lamhe ki,
Jab saath the tum,
Aur door thi tanhaai.

Kuch hi mahine hue the,
Humaari mulaqat ko,
Magar aisa mehsoos hua,
Jaise yeh rishta kayi saal purana ho.

Aise chhod gaye tum chhaap dil par,
Saare dard mit se gaye,
Tum naye ho ab meri zindagi mein,
Par aisa laga nahin kabhi tumse milke.

Ab ke baras,
Shayad mulaqat hogi,
Kab tumse main mil paaun,
Issi ka intezar hoon kar rahi.

Koi khaas baat hai tum mein,
Jo doosron mein nahin aayi nazar,
Kab tumhein main dil de baithi,
Iski hui na mujhe khabar.

Apne ban gaye kab tum,
Apno ko bhi paa liye,
Dil toh ek hi hai,
Kitni baar jeetoge?

Bahut yaad aati hai tumhaari,
Khwabon mein aate ho subah - shaam,
Yeh faasle bhi kam ho jaaye,
Aur jeet jaaye hum iss mahamari ka sangram.

Hazaron mein ho rahi hai barbadi,
Isko rokna hoga ab,
Chaahe jo ho jaaye,
Isse chhutkara paa kar rahenge hum sab.

Ab ke baras,
Shayad mulaqat hogi,
Kab tumse main mil paaun,
Issi ka intezar hoon kar rahi. .
.
.
© Kritika Bhatia

#lockdownlife #distance #lovers #meet #reunion #sofar #memories #abkebaras #inthistogether #cantwait #wontwait #restless #lifetime #lovepoems #limitless #endlesslove #truelove #romantic #lyricedits #lovesongs #lyrics #hindilyrics #hindisongs #hindiwriting #lyricist